Nakuuserfigineqartunik ikiuineq
Qimarnguik ktsorsaaviutigisoq nutaaq ammarpoq
Maanna aamma qimarnguimmi arnat qitornaallu katsorsarneqarsinnaalerput
Qeqertarsuarmi nuna tamakkerlugu qimarnguik katsorsaaviutigisoq Illernit nuna tamakkerlugu arnanut nakuuserfigineqartunut qitornaannullu naatsorsuussaavoq, taamatut tusagassiorfinnut nalunaarutikkut paasissutissiivoq Ilaqutariinut Inatsisinillu Atortitsinermut Naalakkersuisoqarfik.
Nuna tamakkerlugu qimarnguittaami katsorsaaviutigisumi Illernit forstanderiuvoq Stina Mølgaard.
Ullumikkut nuna tamakkerlugu qimarnguiit arfineq-marluupput, arnat qitornaasalu nakuuserfigineqarnerup kingunerisaanik qimarnguigisinnaasaat.
Illernit qimarnguinnut pioreersunut alliliissutitut isiggineqassaaq, tassa tassani arnat qitornaallu aamma katsorsarneqarsinnaammata.
Nuna tamakkerlugu qimarnguimmik katsorsaaviutigisumik Illernit-mik siunertaavoq qimarnguiinnartut atuutissannginnami, aammattaarli arnanut qitornaannullu, najukkaminni qimarngueqaraluartorluunniit taassuminnga atuisinnaanngitsunut, katsorsaavittut aamma atuutissammat. Meeqqat tarnikkut ineriartornissaat qulakkeerniarlugu meeqqat aamma arnat assigalugit katsorsarneqartassapput, tusagassiorfinnut nalunaarummi allassimavoq.