Qimaasut: Pineqaatissinneqarsimasut inissiisarfiannit marluk qimaasut

Tigummigallarneqartut marluk Nuummi pineqaatissinneqarsimasut inissiisarfiannit pingasunngornermi januaarip sisamaanni nalunaaqutaq 20.00-ip missaani qimaasut Nuummi politiit ujarpaat.

Politiit tusagassiuutinut nalunaarummi taama ilisimatitsipput, tassanilu qimaasut attaveqarfigineqannginnissaannut mianersoqqusipput.

Taakku tigummigallarneqartut ima isikkoqarput:

• 33-nik ukiulik, 175-180 cm missaanik angissusilik, naatsunik nujalik, suangasumik timilik, arpaatinik qernertunik qarlilik, qorsummik taartumik parkamik kavaajalik.
• 26-nik ukiulik, 160-165 cm missaanik angissusilik, nalinginnaasumik timeqartoq, naatsunik kajortunik qaamasunik nujalik, kajortunik qaamasunik isilik, tungujortumik Canada Goosemik kavaajalik, qorsunnik sinaatigut kaasarfilinnik qarlippaalik, qernertunik qaqortunik aloqartunik kamippalik.

Inuit taakku sumiinnerannik ilisimannittut Nuummi politiinut attaveqaqquneqarput, telefon 70 14 48.

- Pineqaatissinneqarsimasut tigummigallarneqartullu qimaasut qimaaneranni ikioraanni pinerluttuliornerusoq maluginiaqquarput, tassa toqqorsimatillugit imaluunniit najugaqartillugit allatigullu ikiorlugit, tamanna inatsisit atuuttut malillugu eqqartuussisutigoortitsinermik kinguneqarsinnaavoq, politiit oqarput.

Nuummi politiit pineqartut nammineq tigusariniarsarineqannginnissaat maluginiaqquaat, taamaattumik politiinut sianertoqartariaqarpoq.