qimaasut
'Qimaasunik ikiuinnginneq kussissuuneruvoq'
Naalakkersuisut qimaasunik ikiuerusussuseqannginnerat Demokraatini siulittaasuusimasumit pakatsissutigineqarpoq
- Nunarsuarmi pisoqartillugu ikiuinissatsinnut pisinnaatitaaffeqarpugut, Jens B. Frederiksen Facebookikkut ataasingormat allappoq.
Jens B. Frederiksen Demokraatini siulittaasooqqammerpoq, partiilu naalakkersuisooqataalluni maannakkut.
- Nunanit allanit tapisiaqarluta qimaasunik ikiuerusussuseqannginnerput kussissuuneruvoq, allappoq.
Ikiueqataasareertugut
- Nunat tamarmik ajornartorsiuteqarput. Kisianni uagutsinnit ajornartorsiuteqarnerusut mattunneqartussaanngikkaluarput.
Naalakkersuisooqataasut aningaasanik tapiissuteqartarnerat eqqaamavaa.
- Aningaasanik ikiuiniarta qimaasunillu aamma nunatsinnut tikilluaqqusilluta, Jens B. Frederiksen siunnersuuteqarpoq.
Kalaallit Nunaata akissaqannginnera pissutigalugu Nunarput ikiuisinnaanngitsoq naalakkersuisunit oqariartuutigineqarpoq.