Nalunaarusiat

Qilalugarniartoqaqqissinnaalerpoq

Aqutsisoqarfimmut pisaqarnermut nalunaarsuisimanerit inerneri tunniunneqareersut Kangaatsiami, Ilulissani Qasigiannguanilu qilalugarniaqqissinnaalerpoq

Qilalukkanik pisaqarsimanermut nalunaarusiortoqarsimannginnera pissutaalluni tallimanngormat qilalugarniarneq unitsinneqaralurpoq

Aqutsiveqarfinnit Kangaatsiaq, Ilulissat aamma Qasigiannguit Aalisarnermut, Piniarnermut Nunalerinermullu Naalakkersuisoqarfik qilalukkanik qernertanik pisaqarsimanermut eqqortunik marlunngornermi nalunaarfigineqarpoq.

Eqqortumik nalunaartoqarmat aqutsiveqarfinni pineqartuni qernertanik erngertumik piniartoqarsinnaanngorpoq.

Aqutsiveqarfiit Aasiaat, Uummannaq aamma Qeqertarsuaq pisaasimasunik eqqortunik maannamut suli nalunaanngimmata, tamaani suli qernertarniartoqassanngilaq.

Eqqortunik nalunaartoqariaqarpat piniarsinnaalerneq ilisimatitsissutigineqarumaarpoq.

Aalisarnermut, Piniarnermut Nunalerinermullu Naalakkersuisoqarfik tallimanngormat nalunaarpoq aqutsiveqarfinni Qeqertarsuup Tunuani Uummannamilu qilalukkat qernertat pisarinerinut atatillugu nalunaarsorneqartarneri amigarpallaartaqimmata, qernertanik qilalugarniarneq unitsinneqartoq.

Powered by Labrador CMS