ilisimatusarneq
Qeriuaannartup aakkiartornera pillugu ilisimatusarluni suliniuterujussuaq
Issittumi sumiiffinni silaannaap kissatsinnera aqqusinernut, umiarsualivinnut aamma illunut, nunami qeriuaannartumi sananeqarsimasunut annertuumik sunniuteqassaaq. Ilisimatusarluni suliniutip annertuup piffissami allanngorfiusumi qanoq pitsanngorsaasoqassanersoq qulaajassavaa.
Nuna qeriuaannartooreerluni aakkaangami annertuumik kingueqartarpoq, aqqusernit, umiarsualiviit aamma illut aserortarlugit, tamannalu inuiaqatigiinnik tatisimannittarpoq.
Nunat 12-t peqataasut
Nunat 12-t pinngortitamik ilisimatusartullit, sociologit aamma ingeniørit ukiuni tallimani suliniuteqarnissamut aningaasaliiffigineqaqqappermut, peqataasut ilaat Danmarks Tekniske Universitet taama ilisimatitsivoq.
- Sumiiffinni arlalinni nalinginnaasumik inuunerup atatiinnarnissaat ajornarsereerpoq, Thomas Ingeman-Nielsen, DTU Byg Københavnimi lektori ilisimatitsivoq, taanna silap pissusiata allanngoriartornerani issittoq qanoq sunniuteqarfigineqarneranik paasiniaaqataassaaq.
Kalaallit Nunaanni, Svalbardimi aamma Canadami misissuisoqarlunilu timmisartumit qaammataasaniillu uuttortaasoqassaaq.
- Ilisimatusartut aamma najugaqartunik Issittumilu oqartussanik oqaloqatiginnissapput, qeriuaannartup aakkiartornera najugaqartut ulluinnarni inuunerannut qanoq kinguneqarnera tusarniarlugu, tamanna DTU-mi tusagassiuutinut nalunaarummi atuarneqarsinnaavoq, taanna Norgs Teknisk Naturvitenskapelige Universitetemik qanimut suleqateqarpoq.
Nalilersuineq
Ilisimatusartut sinerissamiittut attaveqaataannut ajoqusiinissaannut navianartorsiutinik nalilersuinermut sakkussanik ineriartortitsinissaq anguniarpaat. Aammattaaq kiatsippat toqqavillu allanngorpat, siunissami aqqusernit qanoq suliarineqartarnissaat iluarsaanneqartarnissaallu siunnersuuteqarfigissavaat.
- Unammillernertut ilagaat qeriuaannartup maanna siunissamilu qanoq siammasitsiginera pillugu ikitsuinnarnik aamma tatiginarpianngitsunik paasissutissaqarmat, Thomas Ingeman-Nielsen oqarpoq.
Ajoqusernerit
Ilisimatusartut sumiiffinni arlalinni aqqusernit toqqaviini itisaqalertuni imaluunniit qupineqalertunik takusaqarsimapput. Mittarfiit ajoquteqalersimasut, umiarsualiviit nunap neriuineratigut ajoquteqalersimasut tulaffigineqasinnaajunnaarlutik. Nunaqarfiit aamma sinerissami pinngortitap neriuinera pissutigalugu nuunneqartarlutik. Toqqavinnik sunniisarput qupineqalersarlutillu. Taamaalilluni peqqissutsimut ulorianaatilimmik ussiittunngortarlutik oqoqalerneranillu kinguneqarsinnaallutik.