Mittarfeqarfiit
Qeqqata Kommuniata Kangerlussuup mittarfia ilungersuutigaa
Qeqqata Kommuniani kommunalbestyrelsep Namminersorlutik Oqartussat isornartorsiorpai Kangerlussuup mittarfiata nutarternissaanut aningaasat atorneqartussat amerlavallaartinnerarlugit tamannalu Nuummi mittarfiup tallinissaanut iluaqutaalluni.
1,5 milliard koruunit.
Tassalu Kangerlussuarmi mittarfiup nutarternera taama akeqassasoq Namminersorlutik Oqartussat 2015-imi nalilerpaat.
Tamanna borgmesterip Hermann Berthelsenip tupigusuutigaa ingammik tamanna sioqqutitsiarlugu Artekip Mittarfeqarfiillu naatsorsuinerminni 250 million koruuninik akeqartussaq nalilermassuk.
Atuaruk: Kangerlussuaq Narsarsuarlu pillugit erseqqissumik suli akissuteqarfigineqanngitsut
Naliliisimaneq pingajorarterutaannaasoq
Maanna Qeqqata Kommunia sinnerlugu siunnersuisartup Swecop pissutsit misissoqqippai, taassumalu Artekip Mittarfeqarfiillu 250 million koruuneqarnissaanik naliliinerat taperserlugu, tassalu Namminersorlutik Oqartussat siusinnerusukkut naatsorsuusiaannit pingajorarterutaalluni.
Tamannalu Kalaallit Airportsinik pilersitsinissamik aalajangiinermi ilaatigut tunngavigineqarpoq Nuummi Ilulissanilu mittarfiit tallinissaat siunniunneqarluni kiisalu Qaqortumi mittarfiliortoqarniarluni.
– Artekimi ilisimatuut misissuinerat Swecop misissuinernik naliliineranni ilalerneqartutut ippoq, tassalu aserfallatsaaliinissamut aningaasat atorneqartussat 1,5 milliard koruuniunngitsut, allattoqarfimmiut kommunalbesyrelsep februaarip 27-ani ataatsimiinnissaa sioqqullugu innersuumminni allapput.
Atuaruk: Umiarsuarnut takornariartaassuarnut umiarsualivik
Allaaserisaq sapaatip akunnerani saqqumertumi Sermitsiami tamakkerlugu atuaruk. Aviisi uani pisiariuk
Læs hele historien i ugens udgave af Sermitsiaq. Køb avisen her