sanaartorneq
Qeqqata Kommuniani sanaartornissamut suliniutit kinguaattoortut
Qeqqata Kommuniata 2016-imi sanaartornissamut missingersuutit affaat ataallugit atorpai
Qeqqata Kommuniani sanaartornissamut iluarsartuussinissamullu suliniutit arlallit kommunalbestyrelsip naatsorsuutigisai naapertorlugit taama aallartiaarsimatiginngillat. Kommunip 2016-imut aningaasaqarneq pillugit nalunaarusiarigallagaani takuneqarsinnaavoq.
2016-imi sanaartornissamut missingersuutinut 103.5 millionit koruunit immikkoortinneqarsimapput. Taakkunannga 43,4 millionit koruuniinnaat atorneqarsimapput, tamannalu 41,9 procentiuvoq.
Suliniutit arlallit kinguaattoorsimanerat tamatumunnga pissutaavoq.
- Atuinikinneruneq sanaartornissamut suliat arlallit kingusinnerusukkut aallartinneqarsimanerat imaluunniit qulakkeersiineqaramik, aningaasaqarnermut nalunaarusiaagallartumi tamanna allaqqavoq.
Tassani innarluutilinnut Sisimiuni aamma Maniitsumi inissiat ilaatigut pineqarput, Maniitsumi utoqqarnut inissiat aamma kalaalimineerniarfiup nutarterneqarnissaa.