Skip to main content

Qeqqata Kommunia takornariaqarfinngussaaq

Qeqqata Kommuniani takornarialerineq inuussutissarsiuutini pingaarnerit ilagissavaat, Malik Berthelsen oqarpoq

- Qeqqata Kommunia ineriartortinneqassapput, aningaasanik aallerfiusinnaasunik nutaanik misissuisariaqarpugut. Tamanna pissutigalugu kommunimi takornarialerineq inuussutissarsiutini pingaarnerpaanut ilaalertariaqarpoq.

Qeqqata Kommunia borgmesterinngortussaq, Malik Berthelsen Siumuminngaanneersoq, taama oqarpoq.

Taamaasilluni kommunip nunat allanut pilerisaarinera annertusarneqassaaq.

- Takornariat amerlanersaat Ilulissanukartarput, Ilulissannilu innuttaasut takornarissanut sullisseriaasiat pitsaasorujussuuvoq. Ilulissaniikkaanni malugineqarsinnaavoq illoqarfiup ineriartortinneqarluarnera.

Atuaruk: Malik Berthelsen: Ikiaroornartoq ajornartorsiutaasorujussuuvoq

Periarfissat amerlasuut

- Qeqqata Kommuniani aamma taama isiorusuppugut. Takornariallu tamaanga tikittalernissaat angussangutsigut kommunerput pilerinarsarluartariaqarparput. Ukiaanerani sisorartitsisinnaavugut, aasaaneranilu pinngortitami sammisassaqartitsisinnaalluta, Malik Berthelsen oqarpoq.

Kommunip Nunatsinni takornariaqarnermut siunnersuisoqatigiit Visit Greenland suleqatigingaa, taanna paasissutissiivoq.

- Takornarialerinermulli ineriartortitsisoqarnissaa pisariaqassapput, Qeqqata Kommuniani nammineerluta isumaqagisinnaavarput. Assersuut Sisimiut avannaatungaani sisorartarfissamik angisuumik pilersaaruteqarpoq, taannali ukioq naallugu atorneqarsinnaassaaq. Taannalu aatsaat Sisimiuniik Kangerlussuaq aqqusinniortoqareerpat pilersinnaassalluni, borgmesterinngortussaq tikkuaavoq.

Atuaruk: Malik Berthelsen: – Borgmesterinngorniarlunga qinigassanngortippunga

Unittooriaannaasut

Sisimiuniik Kangerlussuarmut aqqusinniortoqarnissaa pisariaqartoq, Malik Berthelsen oqarpoq. Kangerlussuup Nunatsinni mittarfittut pingaarnersaattut ingerlanissaa taassuma sulissutigerusuppaa.

- Aqquseq pilersinneqarpat periarfissarpassuit ammaanneqassapput, pingaartumik takornarialerinikkut. Kangerlussuup Nunatsinni mittarfinni pingaarnersaajunnaarpat ineriartornerput unittoortinneqarsinnaavoq.

Takornarialerinerup ineriartortinnissaa

- Ilulissani Nuummi mittarfiit tallineqaraluarpataluunniit, naatsorsuutigaarput Kangerlussuup mittarfia pingaarnerpaajuassasoq. Kangerlussuarlu takornarianit tikinneqartartunit tulliugunarpoq. Ukioq kingulleq Kangerlussuarmi takorialerinermi aningaasat 70 mio koruunit missaat kaaviiaartinneqarsimapput, tamanna pissutigalugu takornarialerineq taakani aamma ineriartortittariaqarparput, Malik Berthelsen oqarpoq.

Taassuma Sisimiuniik Kangerlussuarmut aqqusinniortoqarnissaa sukataarluni sulissutigerusuppaa.

- Borgmesterinngoriaruma aqqusinniortoqarnissaa pillugu Nuummukassuugut, tassani Naalaakkersuisut saqqummiuffigissallutigit. Kisianni massakkut oqaatigisinnaanngilara qaqugu aqqusinniortoqalissanersoq, kommunimmi nammineerluni aqqusinniortoqarnera akilersinnaanngimmagu, Malik Berthelsen oqarpoq.

Atuaruk: Nunatsinni silap kiatsikkiartornera takornariaqarnerulersitsisinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER