Pinngortitami ajunaarnersuaq
Qeqqata Kommunia qerititsivinnut atugassanik tunisseqarpoq
Ilaqutariit pinngortitami ajunaarnersuarmi eqqugaasimasut peqqumaatimik qerititsivittaarnissartik qilanaarisinnaanngorpaat.
Ilaqutariit Nuugaatsiarmiut Illorsuarmiullu juunip qaammataani pinngortitap piliaanik ajunaarnersuarmit eqqugaasimasut, malitsigisaanillu nunaqarfitsik qimallugu ilungersunartumik inissillutik nuuttariaqarsimasut Qeqqata Kommuniata ikiorusuppai. Kommuni tusagassiuutinut nalunaarummi allappoq.
- Angerlarsimaffeerupput, nunaqarfimminnullu uteqqissinnaanatik, taamaattumillu Qeqqata Kommunia isumaqarluni, ikiorsiinissaq pissusissamisoortoq, kommuni allappoq.
Qerititsiviit nutaat
Qeqqata Kommuniata Qaasuitsup Kommunia isumaqatigiissuteqarfigaa, 100.000 koruunit tunniunneqartut ilaqutariit nutaanik qerititsivittaarnissaannut atorneqassasut.
Kommunip erseqqissarpaa, Nugaatsiamit Illorsuarniillu innuttaasut aalisakkanik pianiakkanillu pingaartumik inuussuteqarput,
peqqumaateqartarlutillu. Peqqumaatitik, qerititsivitillu taamani annaavaat.
Aamma atuakkit:
Sermersooq eqqugaasunut millionit affaanik tunissuteqarpoq
Ajunaarnersuarmut eqqugaasunut Kujalleq 50.000 koruuninik tunissuteqarpoq
Savalimmiuni kommuni 200.000 koruuninik nassiussivoq