Qeqertarsuup Tunuanut pajuttussaq sikup unitsippaa

Qeqertarsuup Tunuani piffissami sivitsortumi issinnera maanna Royal Arctic Linep Aasiannut Ilulissanullu Arena Arcticamik pajunnissaraluanik kinguartitsinermik kinguneqarpoq.

Tamanna isumaqarpoq Aasiaat aamma Ilulissat, taakkualu nunaqarfii, Arena Arcticamit marsip 27-at nallertinnagu tikinneqarsinnaajunnaarallarnerannik.

Sikuarnera nalilersorneqarneqassaq
Kisianni Royal Arctic Linemit angalanissap tulliata tungaanut sikuunera nalilersorniarneqarpoq.

- Sikuunera malunnaateqarluartumik allannguuteqassagaluarpat nalilersoqqissavarput angalanissap ingerlanneqarsinnaanera, Royal Arctic Line taama nalunaaruteqarpoq.

Nassiussat Nuummut niulerneqalerput piginnittup akisussaaffianik
Umiarsuup usii Qeqertarsuup Tunuani illoqarfinnut nunaqarfinnullu nassiussat Royal Arctic Linep ilisimatitsinera naapertorlugu Nuummut niuneqassapput tullianik umiarsuaqarnissaata tungaanut.

- Soorlu angalanissamut tunngaviusumik pilersaarummi allassimagipput Qeqertarsuup Tunuanut angalanissaq qulakkeersinnaanngilarput, taamaattoqartillugulu usit Nuummut niuneqassapput usinik piginnittup nammineq akiligassaanik ajutoorpallu akisussaaffianik, Royal Arctic Line allappoq.