misissuineq
Qeqertarsuup tunuani unioqqutitsilluni aalisartoqartoq
Aalisarnermut Nakkutilliisoqarfik Issittumi sakkutooqarfik ikiortigalugu misissuisimapput
Kalaallit Nunaanni Aalisarsinnaanermik Nakkutilliisoqarfik Issittumi Sakkutooqarfik ikiortigalugu Qeqertarsuup tunuani misissuinerminni unioqqutitsilluni aalisartunik naammattuuipput.
Forsvaret.dk nittartakkamini taama allaaserisaqarpoq.
Knud Rasmussen
Issittumi sakkutooqarfiup angallataa Knud Rasmussen misissuinermi atornerpoq. Misissuinermilu angallatit 25-it tunitsiviit nunamiittut marluk misissorneqarput. Misissuinermilu inatsisinik malinninngitsut 20-t nalunaarsorneqarsimallutik.
Qassutit inerteqqutit
Unioqqutitsinerit ilaatigut aalisarnermut allagaqartaqannginnermit, kukkusumik nalunaarsuinermik, annaassiniarnermullu atortunik amigaateqarnermik pissuteqarput. Aalisarnermut malittarisassat kisiisa isumaginagit angallannermi sillimarniarneq Alisarsinnaanermut Nakkutilliisoqarfiup aamma suliaannut ilaavoq.
Malittarisassanik unioqqutitsilluni qassusersornerit pingasut Kalaallit Nunaanni Aalisarsinnaanermik Nakkutilliisoqarfiup aamma arsaarinnissutigisimavai.
Uani misissuinermik sinerissap qanittuani aalisartut pineqarput taamaalilluni angallatit angissusaat apeqqutaatinnagit misissuisoqarluni. Unioqqutitsisuni 25-usuni 15-it umiatsiaaraapput.