Umiatsiamik ajutoorneq
Qeqertarsuup Tunuani alianaqisumik umiatsiamik ajutoorneq
Qeqertarsuup Tunuani Kitsigsunnguit eqqaani inuit sisamat umiatsimik ajutoornermit ajunaarsimassangatinneqartut, politiit paasissutissiipput.
Politiit Issittumi Sakkutooqarfik suleqatigalugu Qeqertarsuup tunuani ujaasileruttorput.
VHF-kkut ajunaalernermik kalerrisaarineq
Inersimasut tallimat Aasianniit Ilulissanukarlutik sisamanngornermi ualikkut aallarsimapput, Nuummi politikommissæri Knud Frederiksen, tusagassiuutinut nalunaarummi paasissutissiivoq.
- Ingerlaartillutik angallataat immakkiartulermat VHF-ikkut ajunaalernermik kalerrisaaruteqarsimapput. Aasiaat Raadioanit ajunaalernermi kalerrisaarut tusarneqarmat politiit kalerrinneqarput, tamatuma kingunitsianngua annaassiniarneq ujaasinerlu aallartinneqarpoq, Knud Frederiksen tusagassiuutinut nalunaarummi allappoq.
Politiit sisamanngornermi unnukkut qulip missaani umiatsiaaqqamik ajutoorneq alianaqisumik kinguneqartoq paasivaat. Inuk ataasiinnaq uumasoq toraarneqarpoq, inuk ataaseq toqungasoq nalaarneqarluni, inuillu pingasut suli maqaasineqarput ajunaarsimanissaalli ilimagineqarluni.
Ajutoornermut suna pissutaasoq ilisimaneqanngitsoq
Annaanneqartoq Ilulissanukaanneqarsimavoq, ujaasinerlu suli ingerlanneqarluni.
- Ajutoornermut suna pissutaanersoq, politiit massakkut oqaaseqarfigisinnaanngilaat, politikommisæri allappoq.