silaannakkut angallaneq
Qeqertarsuarsuarmi silap peqqutigisaanik angallanneq kinguaattoorfiugallarpoq
Qeqertarsuarmi silap timmisartorfiginissaanut atoruminannginnerata pissutigisaanik Qeqertarsuarmi silaannakkut angallanneq kinguaattoorfiugallarpoq
Annonse
Kalaallit Nunaanni illoqarfinni amerlanerpaani sila atoruminarpoq.
Taamaattorli Qeqertarsuarmi silaannakkut angallanneq kinguaattoorfiugallarpoq ullumi marlunngornermi.
- Sila atoruminarseriarpat ilaasussat angallanneqassapput, Air Greenland tusagasiutinut nalunaaruteqarpoq.
Air Greenland silaannakkut angallannermi ima pilersaarutai isikkoqarallarput:
- Upernavimmit Kullorsualiartussat Nuussuarmukartussallu ingerlanneqassapput ullumi marlunngornermi pingasunngornermilu
- Qeqertarsuarmi silap peqqutigisaanik silaannakkut angallassiniarneq kinguaattoorfiuvoq. Sila atoruminarseriarpat ilaasut qulimiguulimmik ingerlanneqassapput
- Kulusummit/Tasiilamit Nuummiillu angalaniartut tamarmik timmisartuunneqassapput
- Ilaasoq ataaseq Nuugaatsiamit angalasoq silap peqqutigisaanik Københavnimut anngunneqarsinnaanngilaq. Angalasussaagaluartup angalanissani taamaatiinnarpaa.
- Ilaasoq ataaseq Kulusummit Uummannaliartoq Ilulissanut ullumi tikissaaq. Uummannamut ataasinngorpat aatsaat tikissaaq.
- Kujataani pisattanik angallassinerit tamarmik naammassineqassapput. Juullimut allagarsiassat taamaasillutik piffissaq eqqorlugu apuutissapput.