Qeqertarsuaq
Qeqertarsuarmi Inuiattut ullorsiorneq
Jens Karl Broberg kulturikkut nersornaaserneqarpoq
Taalliortoq erinarsoqatigiinnillu Nikanaq siulersuisoq Jens Karl Broberg Qeqertarsuarmi inuiattut ullorsiorneq nalliussineqarmat kulturikkut nersornaaserneqarpoq.
Jens Karl Broberg nersornaaserneqarpoq pissutigalugu ukiorpassuarni taalliortutut erinarsoqatigiinnilu siulersuisutut sulisimanera pissutigalugu, namminerlu erinarsoqatigiit Nikanaq pilerseqataaffigisimai.
Jens Karl Broberg inuusuttuullunili taalliortalersimavoq. Soraarninngornermilu kingorna taalliani 400-t sinneqartut naammassisimanngisani naammassiniagassarai.
Qamutilittarneq
Akunnaallillugu inuit 100-t ullaakkut illoqarfiup qeeqqanut katersuupput, tassanilu kommunalbestyrelsimut ilaasortap Kristian Brobergip erfalasoq amuvaa kommunillu allaffiata saavani oqalugiarluni.
Niuertup illutoqaata, maanna Hotel Disko-p, saavani qamutilittartoqarpoq, tamatumalu kingorna illoqarfimmiut katersortarfimmi ullaakkorsioqatigiipput.
Ulloq aamma nalliussineqarpoq illoqarfiup qeqqani grillereqatigiinnersuarmik.