Qeqertarsuaq
Qeqertarsuaq - qeqertaq kiviartortoq
Innuttaasorpassuit illoqarfik ingerlanerliortoq qimareerpaat, illoqarfimmilu siunissaanik nalunartulimmi, suliffissaaleqisut aatsaat taama amerlatigaat
Qanga illoqarfeqarpoq oqaluttuassartagissaartumik inuussutissarsiornerullu siuariartornera pissutigalugu ingerlalluaqisumik, taamanikkut suliffissuaq raajaleriffik innuttaasunut sulisinnaasunut tamanut suliassaqartitsilluni.
Umiarsualivitsialaa aamma oqaluttuassartagissaarpoq, arfanniat umiarsuarpassuinit tikinneqartarsimalluni sissap avataani kisarlutik inuiaqatigiinnguanilu pisoqartitsilluartarsimallutik. Kingorna illoqarfimmi aalisartorpassuit raajarniutinik kutterertaarput kilisaatinillu angisuunik avataani raajarniutinik pisaartorlutik, illoqarfimmi ulapitsitsisorujussuarnik. Piffiit nuannersimaqaat, innuttaasut qeqertartik angisooq, Qeqertarsuaq, tulluusimaarutigalugu oqaluttuarisarlugu.
Maannali piffiit nutaat qangarsuarli peerussimapput, taarserneqarsimallutillu soriarsinnaanngissuteqarnermik isumatsassimangaarnermillu. Innuttaasut amerlasuut piffissaagallartillugu qimarratereersimapput. Tassami Qeqertarsuaq ´kiviartorpoq´, innuttaasullu sinneri imminuinnaq isumagisassanngortinneqarput. Ikiuiniartoqanngilaq.
TDaamaattumik innuttaasut innuttaasut ikittut piumassutsiminnik annaassinialerput, illoqarfiup piuneerutivinnginnissaa naggattaamik annaaniarniarlugu. Suliniut taasimavaat Nunaga Qeqertarsuaq.
Oqaluttuaq tamaat, Qaasuitsullu Kommuniani pisut angisuut mikisullu atuakkit. Aviisi sapaatip akunneranut saqqummersartoq Tamanut Avannaani akeqanngitsumik aasinnaavat uani: