Qeqertarsuup Tunua
Qeqertaq sumiginnagaq
Royal Greenland Kitsissuarsunni tunitsivimmik pilersitsinissamut pilersaaruteqanngilaq – Qaasuitsup Kommuniata innuttaasut namminneq iliuuseqarnissaannik kaammatorpai
Nunaqarfik Kitsissuarsuit, Aasiaat Qeqertarsuullu akornanniittoq, ineriartortinneqarnissaa pillugu pisortanit pilersaaruteqarfigineqanngilaq.
Nunaqarfimmi 80-it missaannik inoqartuni piniarneq aalisarnerlu pingaarnertut inuussutissarsiutaapput.
Taamaakkaluartoq piniartut pisaminnik tunisissa- gunik aqqut isorartooq atorlugu Aasiannut imaluunniit sumiffinnut allanut, ingerlaqqaartariaqartarput. Royal Greenland Kitsissuarsunni mikisumik, containerinik pingasunik uiguleriinnik, ukiunilu arlalinnik matoqqasumik, tunitsiviuteqarpoq. Taamaakkaluartoq Royal Greenland nunaqarfimmi tunitsiveeqqamik ammaaqqinnissamik imaluunniit aalisakkerivimmik pilersitsinissamik pilersaaruteqanngilaq.
Kitsissuarsunnili tunitsiuvisimasup ammaqqinneqarnissaa kissaatigineqarpat innuttaasunit pisiarineqarsinnaasoq, Sten Sørensen, Royal Greenland A/S-imi ingerlatsinermut pisortaq, aamma nunaqarfinni tunitsivinnik aqutsinermik suliaqartoq, paasissutissiivoq. Taamatulli pisoqassappat unammilligassat amerlapput.
Allaaserineqartoq tamaat aviisimi Tamanut Avannaanimi atuarneqarsinnaavoq. Qaasuitsup Kommuniani pisartut assigiinngitsut aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq: