atortut nutaat
Qatserisartut biilii gummigedillu taarserneqassapput
Kommuneqarfik Sermersuumi qatserisartut biilii taarserneqassapput entrenpenørimilu atortut aamma nutarsarneqartariaqalersimapput.
Annaassiniarnermut piareersimaneq pillugu immikkoortortami pilersaarut 25 million koruuninik aningaasartalik, biilinik taarsersuinissaq aammalu Tasiilami Nuummilu qatserisarfinnik pilersitsinissaq 2021-p tugaanut qulakkeerneqassapput.
Qeqqani inissisimasoq
Pilersaarummi ikuallattoornermi atortunut taarsersornissaat, ikiuiartornermi biilinik tulluarsakkanik nutaanik pissarsinissaat aammalu qatserisartut tamaasa ilinniartinneqarnissaat ilaapput.
Nuummi maannakkut qatserisarfiup qeqqani inissisimalersinniarlugu nuunneqarnissaa pingaaruteqarpoq, qatserisartut taamaasillutik piffissaq eqqornerullugu orniguttalissapput. Ajornartorsiut ukiut ingerlanerini annertusiartorsimavoq, illoqarfimmi kangimut Qinngorput tugaanut alliartortinneqarpoq. Illoqarfiillu pingaarnersaanni pilersaarummi nutaamik inissiisoqarnissaa pisariaqalernerulersitsivoq. Qatserisarfittaassaaq ikuallaaviup qanitaani inissinneqassaaq.
Entreprenørimi atortut nutaat
Illoqarfiit pingaarnersaanni aqqusinniortut aamma maskiinanik nutaanik pisariaqartitsipput, massakkummi pigineqartut pisoqalillutillu iluarsatuunneri aserfallatsaaliinerillu aningaasartuutit amerlallutik.
Kommuneqarfik Sermersuumi Ingerlatsinermut Avatangiisimullu immikkoortaqarfik ukiuni tulliuttuni tallimani entreprenørimi atortut taarsersorneqarnissaat pilersaarusiorsimavaat.
Ukiut arfineq-pingasukkaarlugit taarsersuineq
Maskiinat pisoqaassusiat arfineq-pingasunngortinnagit taarserneqassasut aalajangerneqarpoq, taamaasilluni iluarsartuussinermut aningaasartuutit annikillisarneqassapput
Ingammik gummigedit angisoorsuit ilaatigut aputaajaanermut atorneqartartut taarserneqarnissaannut piffissanngorpoq, kommuni paasissutissiivoq.