Qassutit nalaasaarfinnit pisiarineqarnerusarput
Pisiniarneq nuannarisaqaarput - onlinemilu pisiniarneq tunuarsimaarfiginngilarput. Nettimi pisiniarfiup Pisisa.gl-ip ammarnerata kingorna ukioq ataaseq qaangiuttoq KNI killiffiliorpoq
Nalaasaarfiit, qassutit, gummibådit allarpassuillu maanna online-kut pisiarineqarsinnaalersimapput. Taamaasiortarpugullu.
KNI Pisisa.gl-ip atuutilernerata kingorna ukioq ataaseq qaangiuttoq nettimi pisiniarfiup pisortaa Marcus Probstip ukioq qaangiuttoq killiffilersuivoq.
KNI Pisisa.gl-ip ukiumik ataasinngortorsiorluni nittarsaassinersuagut, ullunik qulinik sivisussuseqartukkut, tunisat siorna piffissamut tassunga sanilliullugit marloriaammik amerlanerupput. Taamatut paasissutissiivoq nettimi niuernermi pisortaq Marcus Probst.
Taassuma ilanngullugu oqaluttuaraa nioqqutissaatinit 20.000-nit tunisaanerpaat pingasut tassaasimasut pequtit, igaffimmi atortorissaatit aamma tv/eletronik.
Tunisalli amerlassusaat qiviaraanni amerlanerpaanik tunineqartuni tallimani qassutit telefoninit angallattakkanit tunineqarnerusarsimapput. KNI Pisisa.gl-ip paasissutissiissutigaa nettimi makkua pisiarineqarnerpaasartut:
1. Qassutit qimissersugassat
2. Nalaasaarfiit
3. Nillataartitsiviit/qerititsiviit
4. Gummibådit
5. Telefonit angallattakkat