Vejrforhold forsinker arbejdet Sulinissaq silap kinguarsaraa
Qassimiuni suli ajornartorsiortoqarpoq
Nunaqarfiup attaveqaatai ukiortaamiilli suli ajornartorsiuteqarput
Kujataani Qassimiuni attaveqaatit ulluni kingullerni 17-ini akornuteqarput. Nunaqarfiup attaveqaataasa ajutoornerat 2016-imi decembarip 31-ani pivoq.
Tele-Postili maanna ajusaaruteqarpoq.
- Ajoqut paasineqarniariarmalli sulisuvut sapinngisartik tamakkerlugu Qassimiuni attaveqaatit iluarsiniarlugit suliniarput. Ajoraluartumik teknikerivut silamit unammilligassinneqarput, aamma sumiiffimmi angallassinermut sulinermilu isumannaallisaanermut tunngatillugu, Teknikkimut IT-mullu pisortaq Jonas Hasselriis oqarpoq.
Atuaruk: Tele-Post killeqanngitsumik unammilleqatigiinnissamik akornusiisimasoq
Ajoqut suli Tele-postimit iluarsiniarneqarpoq.
- Ajoqutip iluarsineqarnissaanut periarfissavut ullut tamaasa nalilersorpavut. Massakkorpiaq Nuummiit teknikkikkut ikiuisussanik aamma kingoraartissanik nunatta kujataanukartitsinissarput sulissutigivarput, Aallakaatitsinermut aamma Attaveqaatinut immikkoortortami aqutsisoq, Kim Zinck oqarpoq.