Skip to main content

Qasigiannguit: Talittarfik iluarsaanneqarnialersoq

Namminersorlutik Oqartussat Qasigiannguani talittarfimmik, ukiuni arlaqalersuni ajoqusersimasumik, iluarsartuussinialerput.

Qasigiannguani talittarfiup ilarujussua ajoqusersimavoq.

Taamaanneralu Kommune Qeqertalimmi kommunalbestyrelsemut ilaasortap, Inuit Ataqatigiinnersup Kristian Jeremiassenip, ernummatigaa.

- Qasigiannguani tulattarfik aaqqinneqarnani ukiut immaqa pingajussaannut ingerlalerpoq, talittarfiup ilaa nakkaannikuuvoq aasaq imaalivoq suli iliuuseqarfigineqarnani. Allaanngilaq taamaattussaannartut isikkoqarniartoq, Kristian Jeremiassen allappoq.

2016-imi neqeroortoqanngilaq

Namminersorlutik Oqartussat Sermitsiaq.AG-mut emailikkut akissuteqarlutik allapput Namminersorlutik Oqartussat Qasigiannguani talittarfik iluarsartuullugu aallartissimagaat. 

- Namminersorlutik Oqartussat Qasigiannguit umiarsualiviannik iluarsaassinissamut suliaqartitsileruttorput, talittarfik nutaamik sinaakkusernissaa, pituffissiat nutaat aamma nutaanik tigummivinnik ikkussisoqassalluni, Attaveqatigiinnermut Naalakkersuisoqarfimmit taama allapput.

Attaveqatigiinnermut Naalakkersuisoqarfimmit nangillutik nassuiaapput Namminersorlutik Oqartussat Qasigiannguani talittarfimmik iluarsaanissartik ukiumi ataatsimi kinguartittariaqarsimagaat 2016-imi suliariumannittussarsiornermut neqeroortoqarsimanngimmat.

- Qeqertarsuup tunuani umiarsualivinnik iluarsaassinerit ingerlapput, 2017-imi sulinerataallartippoq ukioq mannalu naammassinissaat naatsorsuutigineqarpoq.

Namminersorlutik Oqartussanit ilanngullugu ilisimatitsissutigineqarpoq umiarsualivinnut aserfallatsaaliuinernut aningaasat 27,7 millionit koruunit aningaasanut inatsimmi 2018-imi atugassanngorlugit immikkoortinneqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER