nunat allat
Qarsutsinersuaqarnera pissutaalluni srilankamiut 500.000-it qimaasitaasut
Sri Lankami 2003-p kingorna aatsaat taama ajortigisumik qarsutsinersuaqarpoq. Inuit 146-ut ajunaarsimapput.
Sri Lankami sialussaarsuatoqarnerata kingorna Sri Lankami innuttaasut millionit affangajaat angerlarsimaffitsik qimattariaqarsimaaat.
Sri Lankami sundhedsministeri, Rajitha Senaratne paasissutissiivoq.
Tallimanngormat piffiit ilaanni aatsaat taama annertugisumik sialussuartoqarpoq. Tamannalu piffiit ilaanni arlalinni nunap sisoornerinik qarsutsinersuarmillu kinguneqarsimavoq. Sri Lankami ukiuni kingullerni 14-nini taama annertutigisumik pisoqarsimanngilaq.
Sapaatiummat ullaatungaani inuit 146-ut ajunaarsimasutut nalunaarutigineqarsimapput. Taakkua saniatigut 112-it maqaasineqarput, 50-illu misssaanniittut aqqunartitsersimanertik pissutigalugu napparsimavinnut unitsinneqarsimallutik.