sianigitsi
Qarasaasianut virusi siammartertoq pillugu Tele-Post mianersoqqusivoq
Nunarsuatsinni inuppassuit eqqumiitsunik emailisisaqattaarput ulluni makkunani. Mailini kakkiunneqarsimasut ammarneqannginnissaat Tele-Postimit mianersoqqutigineqarpoq
Qarasaasiani virusi ajorluinnartoq siammarterpoq, nunatsinnut aamma atugaalersimavoq.
Tele-Post nalunaaruteqarpoq atuisut ilaasa saaffiginnereernerisa kingorna.
Ammarukku qarasaasiat parnaarsinnaavoq iserfigineqarsinnaajunnaarluni. Taamaattumik allagarsiat ilumut ilinnukartuunersut paaseqqaarlugu ammarnissai Tele-Postimit innersuussutigineqarpoq.Virusseq taaguuteqarpoq 'CTB locker' imaluunniit 'Critroni'.
Virusi/malwareri emailikkut siammartertarpoq, ZIP-imik kakkiussaqarluni ukunanik imaqarsinnaasoq:
- Fax report …
- Fax server …
- Fax transmission…
- Copy from…
- Pages from…
Tamatigungajak +(normoqartarpoq) nassiunneqarsimasut qulequtaanni.
Taamaattumik mailinnassagaanni iserfigineqassanngilaq, peerneqapallannissaallu siunnersuutigineqarpoq.
Virusi/malwari taanna nammineerluni aallartissinnaanngilaq, aatsaat iserfigalugu tuugaqarsimagaanni aatsaat qarasaasiamut ajoqqusiisinnaalluni.