Qaqutigoortoq: Ataasinngornermi unnukkut qaammat ulikkaaqqalluassaaq

Qaammat ataasinngornermi ualikkut nuiguni, qilammut qiviaqqilaarnissaq pissutissaqarluarpoq.

Tassami qaammat ersarissorujussuussaaq, astrofysikeri Michael Linden-Vørnle, DTU Spacemeersoq nassuiaavoq.

- Qaammatip nunarsuaq kaavillugu aqqummini nunarsuarmut qaninnerpaaffiata saniatigut, qaammat ulikkaaqqagaangat, qaammat ulikkaarluartutut taasarparput, Michael Linden-Vørnle oqarpoq.

Ualilluarnerani nuiguni aamma qaamanerussaaq.

Qaammat qilammi agguaqatigiisillugu nalinginnaasumut sanilliullugu diameteria 7 procentit missaani anginerussaaq. Qaamassusaalu aamma 16 procentit missaani sakkortunerussalluni, Michael Linden-Vørnle oqaluttuarpoq.

Qaammat tumaasaq malillugu ingerlaartuuvoq, taammaattumik nunarsuarmut ungasissusaa 50.000 kilometerinik nikerartuusinnaasarpoq, 356.500 kilometerit missaannit 406.700 kilometerit missaannut.

Qaammat ulikkaaqqanermini qanittuinnaasussaanngilaq, kisianni aamma ulikkaaqqasariaqarpoq.

Taamaalisarneralu qaqutigoortuuvoq. Ataasinngornermi ualikkut nuiguni, ukiut 68-it matuma siornatut aatsaat nunarsuarmut taama qanitsigeqqissaaq.

Tulliani 2034-imi taamaaleqqissaaq.

Michael Linden-Vørnle naapertorlugu, inuit ikinnerpaartaat qaammatip ulikkaaqqaneranit nalinginnaasumit assigiinngissutaa malugissavaat.

- Assersuussinissamut tunngaveqanngikkaanni, inuit ikinnerpaat anginerunerat malugissavaat. Allaanerussutaa takussaanavianngilaq, taanna oqarpoq.

/ritzau/