Kangerlussuaq
Qaqqaq glasfiberiliassaqartoq
Hudson Resources nunani tamalaani anorthositimik tunisassiussaaq ukiuni qulini sivisussusilimmik
Kangerlussuup eqqaani piiaaffimmik ammaanissamut Namminersorlutik Oqartussanut qinnuteqaateqarpoq ukioq manna.
Akuersissutit naammasseriarpata suliffeqarfik Hudson Resources anorthositimik tunisassiussaaq nunanut tamalaanut ukiuni qulini tulliuttuni.
Taamaasilluni ilaatigut glasfiberiliassanik aamma tunisassiorsinnaalissaaq.
Suliffeqarfiup 2016-mi tunisassiornini aallartinniarlugu naatsorsuutigaa.
- Isumaqatigiissut Hudsonimut pingaaruteqarpoq. 200.000 tonsinik ukiumut tunisaqartarnissaq naatsorsuutigaarput, Hudson Resourcesimi pisortaq James Tuer nalunaaruteqarpoq.
Pappilissat qalipaatillu
Tunisassiarineqartussaq assigiinngitsunik aamma atorneqarsinnaavoq, soorlu plastikkiliornernut, pappilissanut qalipaatinullu.
Pisariaqarluartunik piiaasoqarnissaa naatsorsuutigineqarmat, siunissamut iluaqutaasunik tunisassiortoqarnissaa Hudson Resourcesimit naatsorsuutigineqarpoq.
Kangerlussuup eqqaani suliffeqarfiup piiaanissani naatsorsuutigaa.