Qaqortup misissorneqarnera sivitsorpoq

Kalaallit Airportsip Qaqortumi mittarfissap piffissamik eqquisinnaassusissap qanoq isikkoqarnissaa suli erseqqissumik naatsorsorneqanngilaq

Qaqortumi silarlukulasartoq Kalaallit Airportsimi aningaasaqarnermut pisortaq Peter A. Wistoft oqarpoq.

Taamaattumik mittarfissamut anorit sammivii suli itinerusumik misissorneqanngillat.

- Tamannali ukiaru misissorneqassaaq, tassani ilisimatuussutsikkut kisitassat misissoqqissaarneqassapput, Peter A. Wistoft Sermitsiaq.AG-mut oqapoq.

Minnerpaaffik: 90
Kalaallit Airportsimi pisortap Johannus Egholm Hansenip maajimi nalunaarutigaa Qaqortumi piffissamik eqquisinnaassuseq 75 procentiusoq, taannalu kisitsit annikippallaarujussuarpoq. Akuerineqarsinnaassappat kisitsit 90-miissaaq.

Qaqortumi mittarfissap inissisimaffissaa sumiissanersoq misissorneqaqqissaassaaq.

Qaqortumi mittarfissaq Naalagaaffimmit piginneqatigineqassanngilaq, akerlianik Nuummi Ilulissanilu piginneqatigineqassallutik.

Tamanna pissutaalluni Naalakkersuisut Qaqortumi mittarfiliornissamut aningaasanik ujaasisariaqassapput. Qaqortumi mittarfik sanan

Powered by Labrador CMS