Qaqortup eqqaani nanoq

Nuummi Politiit uppernarsarpaat sapaatiummat ullaap tungaani Qaqortumit 5 kilometerinik ungasitsigisumi nannumik takusoqarsimasoq.
– Tamanna uagutsinnut atanngilaq pisimasorlu uagutsinnut attuumassuteqanngilaq, taamaattumik Qaqortumi Politiinut innersuuppassi. Paasitinneqarsimavugulli illoqarfiup qanittuani nannumik takusoqarsimasoq. Sapaatiummat ullaakkut aqqarnup missaani illoqarfimmit 5 kilometeriinnarnik ungasissusilimmiissimavoq, Nuummi Politiit oqarput.
Qaqortumi politiini pigaartoq aaqqissuisoqarfiup attavigisinnaasimanngilaa. Pisimasumilli assiuteqaruit aaqqissuisoqarfiup assit takorusuppai. Uunga attaveqarfigisinnaavatsigut redaktion@sermitsiaq.AG, sammisatut allaffiani nanoq allallugu.