Inatsisartut

QAQORTUNIK KITSILILLIT MAANNA PILERNGUNNEQARPUT: Nakorsat annertuumik amigaataalernissaat ernummatigigaat

Siunissami nakorsat qallunaat amerlanerusariaqanngillat. Taarsiullugu nakorsat Italiameersut Poleniumiulluunniit nakorsiartarfimmiittalissapput. Taakkulu ajunngitsumik pisassavagut, naalakkersuinermik suliallit oqaaqqissaaripput

Måske har din læge engelsk – og ikke dansk eller grønlandsk – som førstesprog i fremtiden

Sapaatit akunnerani kingullermi Inatsisartuni immikkut ittumik pisoqarpoq. Piffissap ilaani silaannaq allanngorluinnarpoq: Tikisat pillugit ajunngitsumik – ilami ajunngitsuinnartumik – oqaluttoqarpoq.

Nalinginnaasumik nalaakkersuinermik suliallit ilaat suliartortunik kalaallisut oqalussinnaanatik tikittunik ilinniarsunngitsunillu ukiullu marlussuit qaangiunnerisigut aallaqqilersaartunik isornartorsiuiniartarput.

Nakorsalli peqqissaasullu immikkoortumi allamiikkunarput. Taakku assuarineqassanngillat. Nunatsinniiginnarnissaannik kajumissaarneqassapput. Tikilluaqqusaangaassappullu!

AG taama allappoq.

Taamaanngippat Kalaallit Nunaanni peqqinnissaqarfik annertuumik ajornartorsiuteqalissaaq. Tamanna Peqqissutsimut Naalakkersuisup Agathe Fontainip (IA) partiillu oqaaseqartartuisa isumaqatigiissutigaat, peqqinnissaqarfiup siunissaa kissatsissimaartumik Inatsisartuni oqaluuserineqarmat.

Naalakkersuinermik suliallit arlaqartut naapertorlugit ukiuni aggersuni peqqinnnissaqarnikkut sulisussanik ilinniarsimasunik amigaateqarneq annertisipiloorsinnaavoq nunat tamat akornanni qaqortunik kitsililit noqqoruunneqarnerat annertusiartortillugu.

Ilaatigut Siumumiit Jens-Erik Kirkegaardip qulequtaq taanna pillugu apeqqarissaarluni oqallinnissamik suliniuteqartup oqaaseqartartutut pissutsit erseqqissarpai:

- Ullumikkut annermik Danmarkimit nakorsassarsiortarpugut. Danmarkimili nakorsassaaleqisoqarpoq, takorloorneqarsinnaavorlu ukiut 17-kt qaangiuppata tassani nakorsat 5.000-t amigaataalersimassasut. Tamanna nunatsinni pissutsinut sunniuteqanngitsoornavianngilaq, oqarpoq.

Tamannalu arlalissuarnit isumaqataaffigineqarpoq.

Allaaserisaq tamakkerlugu AG aviisimi, aqagu pingasunngorpat saqqummertussami atuaruk. Massakkumiilli aviisi uani pisiarisinnaalereerpat:

Powered by Labrador CMS