Qaqortumi ujajaasoqarneranut takunnittunik politiit ujaasipput

Qaqortumi Politiit ujajaasoqarsimasoq nalunaarfigineqarput, ujajaaneq pisimavoq pingasunngornerup unnuaani pingasut eqqaanni Qaqortumi Anders Olsensvejimi Pisiffiup eqqaani.

Ujajaasoqarnerani aningaasat qassit tillinneqarsimanersut Qaqortumi politiinit Stine Egede oqaaseqarsinnaanngilaq.

Ujajaasut angut saassussimavaat piumaffigalugu aningaasaatini tunniutissagai, taamaanngippat nakuuserfigissagamikku, politiit allapput.

Pinerluttut marluupput, aappaalu nassuiarneqarsinnaasimanngilaq.

Aappaa ima nassuiaatigineqarpoq:

• Angut inuusuttoq, 18-20-t missaanni ukiulik
• 170 cm-imiit 175 cm-inut angissusilik
• Nerinnappoq, jakkeq qernertoq nasartalik atorpaa, cowboy qarliit tungujortut, kamippai taaneqanngillat.
• Qaqortormiusut oqaluppoq.

Qaqortumi Politiit inunnit suliamut paasissutissiisinnaasunit attavigineqarusupput oqarasuaammut 70 11 22.