nunatsinnit
Qaqortumi toqutsisoqartoq
Pisimasumi inuk ataaseq tigummigallarneqarpoq
Annonse
Qaqortumi politiit nalunaarput Nuummi centrali pigaartoqarfik juunip 18-ianni 2016 nal. 13:35 kalerrinneqarsimasoq Qaqortumi najugaqarfimmi savilersortoqarsimasoq. Angut 30-nik ukiulik ilisimanngitsoq nassaarineqarpoq, taamaattumik ambulancimi aggersitami sulisut ikiueqqaarlutik angut annaanniarpaat. Angulli taanna toquvoq. Toqunera pillugu ilaqutaasut kalerrinneqarsimapput.
Pisimasoq Qaqortumi politiit toqutsinertut misissorpaat, Danmarkimiillu inuup timaanik misissuisartumik aggersaasoqarpoq, toqusumik misissuisussamik.
Pisimasumi inuk ataaseq tigummigallarneqarpoq. Matut matoqqatillugit eqqartuussivimmut sassartinneqarpoq, taamaattumik politiit pisimasoq pillugu maannangaaq annertunerusumik paasissutissiisinnaanngillat.