Qaqortoq

Qaqortumi politiit: Pinnguaat navianartoq unitsinneqarli

16-nik ukiulik kammalaatiminit saassunneqarsimavoq tunuaniit, toqqusassimeqarlunilu, pinnguarnertut isigalugu pingasunngormat. Imatullu sakkortutigisimavoq siutaaniit aak anialersimagaluarluni

Kujataani politikommisæri Bent Ole Kleist

Qaqortumi inuusuttuaqqat 'pinnguaatigilersimasaat' politiinit unitseqquneqarpoq.

- Piffissami kingullertigut tusarsaavoq meeqqat angisuut, inuusuttuaqqallu pinnguariaaseqartalersimasut, tassa tunuaniit toqqusassiinikkut silaarutsitsiniaasoqartalersimasoq. Ippassaq 16-nik ukiulik kammalaatiminit saassunneqarsimavoq tunuaniit, toqqusassimeqarlunilu, pinnguarnertut isigalugu. Imatullu sakkortutigisimavoq siutaaniit aak anialersimagaluarluni, kujataani politikommisær Bent Ole Kleist tusagassiutinut allappoq.

Qaqortumi Politiit pinnguarneq navianarsinnaasoq piaartumik unitseqquaat, ajutoortoqartinnagu.

Powered by Labrador CMS