mittarfiit
Qaqortumi mittarfissaq nalornissutigineqaqqilersoq
Demokraatit Qaqortumut Tasiilamullu piffissaliussaq ataatsimoortippaat - IA taarsiullugu Kujataani mittarfinnik naatsunik pingasunik sanaartorusuppoq
Qaqortumi mittarfissap tungaanut aqqusineq 6 kilometerinik isorartussusilik kinguaattooqqavoq, qaartiterineq ilimagineqaqqaartumik annertunerusariaqartoq paasinarsisimammat.
Sanaartornermik ingerlatsisut sanaartukkap affaanut killissimapput, aqqusinerli 2016-ip aasaanerani sulinngiffeqarnerup kingorna piariissagunaraluartoq naammattorsuarmik piffissaqartoqarpoq.
Naalakkersuisunit siunnersuut
Qaqortumimi mittarfissaq pillugu nalorninermik nutaamik pilersoqarpoq. Ineqarnermut, Sanaartornermut Attaveqarnermullu Naalakkersuisoq Knud Kristiansen mittarfiliortiternissamut pilersaarutinik sapaatip-akunnerani kingullermi saqqummiussaqarpoq, tamatumani Ittoqqortoormiini (650 meter), Tasiilami (1.199 meter) aamma Qaqortumi (1.199 meter) mittarfissat nutaat pingasut kiisalu Nuummi (1.799 meter) aamma Ilulissani (2.200 meter) mittarfiit tallineqarnissaat pineqarlutik.
Partiit isumaqatigiinngitsut
Piffissalersuinissaq naapertorlugu Ittoqqortoormiini Qaqortumilu mittarfissat 2018- imi naammassereersimassapput, Tasiilamilu aatsaat 2022-mi mittarfittaartoqassalluni, inissivissamik toqqaasoqartinnagu anorimik silamillu uuttortaanerit utaqqineqaqqaartariaqassammata.
Demokraatit piffissalersuineq tamanna akerlerilluinnarpaat, partiillu taarsiullugu piumasaralugu, Qaqortumi Tasiilamilu mittarfiliortiternerit ataatsikkut ingerlanneqassasut.
Allaaserineqartoq tamaat aviisimi Sermitsiami atuarneqarsinnaavoq. Aviisi ataani pisiariuk