mittarfiit
Qaqortumi mittarfissap inissisimaffissaani qaartitsineq siulleq
Qaartiterinerit mittarfissanut nutaanut misissueqqaarnerup ingerlaneranut pilersaarutaasumut ilaatinneqarput
Qaqortumi qaartitsineq siulleq ullumi marlunngornermi pissaaq, taannalu arfininngorpat qaartitsinermik allamik malitseqartinneqassaaq.
Namminersorlutik Oqartussat tusagassiuutinut nalunaarummi taama ilisimatitsipput.
Atuaruk: Qaqortumi mittarfiliornissaq aallartingajalerpoq
Misissueqqaarnerit
Qaartiterinerit mittarfissanut nutaanut misissueqqaarnerup ingerlaneranut pilersaarutaasumut ilaatinneqarput.
Qaqortumi mittarfiup sananeqarneranut atatillugu qaqqamit 2 millioner kubikmeterinik, ilaatigut mittarfissap immernissaanut qallernissaanullu atugassanik qaartiterisoqassasoq missiliorneqarpoq.
Pitsaassusaa misissorneqassasoq
Tassunga assersuutitut 1990-ikkut naaneranni mittarfiliornerit annersaat Maniitsumi ingerlanneqarmat taakku sisamararterutaat qaartiterlugit piiarneqarput.
- Qaartiterinermi inissiffissap pitsaassusia misissuiffiginiarlugu qaqqamiit misissugassanik piiaanissaq siunertarineqarpoq, tamannalu taamak annertutigisumik sanaartornissamut pingaaruteqarpoq, Namminersorlutik Oqartussat ilisimatitsipput.
Atuaruk: Qaqortoq mittarfittaassaaq