mittarfiit
Qaqortumi mittarfiliornissaq aallartingajalerpoq
Sanaartornermut naalakkersuisup, Knud Kristiansenip (A), mittarfiliortoqarnissaa sumut killinnersoq saqqummiuppaa
Qaqortumi mittarfissamik sanaartornissami qaartiterinerit siulliit ukiamut aallartissapput.
Ineqarnermut, sanaartornermut attaveqaqatigiinnermullu naalakkersuisoq, Knud Kristiansen (A), Nuuk TV-mut marlunngornermi taama ilisimatitsivoq.
Atuaruk: Kommuunimi politikeri: Nuummi mittarfissuaq kingunerlutsitsisussaavoq
Taassuma aamma naatsorsuutigaa, kujataani illoqarfimmi mittarfimmut aqqutissaq ukioq manna piareerneqassasoq.
Nuuk aamma Ilulissat
Nuummi Ilulissanilu mittarfiit tallineqarnissaannut pilersaarut aamma pilersaarutaasut malillugit ingerlanneqarput.
- Nuummi mittarfik ukiut pingasut qaangiuppata (2019-imi, aaqq.) naammassissasoq naatsorsuutigaarput, Knud Kristiansen Nuuk TV-mut erseqqissaavoq. Mittarfiit taakku 2.200 meterisut takissuseqassapput.
Atuaruk: Nuuk Ilulissallu Kalaallit Nunaannut isaaffinngussapput
Utaqqitikkallarneqartut
Illuanilli Tunumi, Ittoqqortoormiini aamma Tasiilami mittarfissat utaqqisikkallarneqarput, Tasiilami silasiorfiliortoqaqqaarnissaa pissutigalugu - tassanngaanniillu silamik misissuinerit ingerlanneqaqqaassapput. Tamatumalu kingorna aatsaat aalajangiisoqarsinnaassaaq.
Atuaruk: Nunarput taarsigassarsiniassasoq