Ikuallanneq
Qaqortumi inissiami ikuallanneq
Politiit qatserisartullu nalunaaqutaq 04:45 Qaqortumi Blok J-mi ikuallattoq ornippaat
Ikuallannerup siaruaannissaa aarlerinartoqarmat 3. – 4. sal-imi najugallit napparsimaviliaanneqarsimasut, politiit paasissutissiipput.
Nal. 07.00 qaminneqartoq
Ikuallanneq akunnialunnguit qaangiunnerini qatserisartunit siaruaakkiartorunnaarsinneqarpoq, taamaammat qamisaaneq
nal. 07.00 missaani naammassineqarpoq.
Ikuallanneq inunnik ajoqusiisimagunanngilaq, pigisallu kisimik ajoquserneqarsimarpasipput. Ajoqusiinerillu annertummata najugaqartut amerlanersaannut attuissasoq, politiit nalunaaruteqarput.
Qimagussorneqartut inisseqqinneqarnissaat inissiaatileqatigiiffiup INI A/S-p kommunillu upalungaarsimasuutitaasa suliarileruttorpaat.
Paasiniaaneq
Politiit paasiniaanerat aallartissimalerpoq, ikuallannermillu pilersitsisinnaasut arlallit paasiniarneqaleruttorput. Paasiniaaneq politii annerutunerusumik oqaaseqarfigerusunngilaat.