tæt på

Qaqortumi ikuallattunukarnerit pingasut

Qaqortumi politiit aamma qatserisartut sapaatip akunnera kingullermi pingasoriarlutik ikuallattumut aggersagaasimapput

Brandstiftelse ved Hotel Qaqortoq
Hotel Qaqortup eqqaani ikuallattoq, meeqqat ukiukitsut ivikkanik ikuallatsitsimmata

Sapaatip akunnerata kingulliup ingerlanerani politiit aamma qatserisartut Qaqortumi ikuallannernut annertunngitsunut pingasoriarlutik aggersagaasimapput. Taamaammallu politiit angajoqqaanut oqariartuuteqarput meeqqatik innermik pinnguaqqunagit eqqaasilaassagaat.

Ikuallattunut aggersaanerit adressinut assigiinngitsunut pingasunut pipput, kisianni ikuallannerit taakku imminnut attuumassuteqarnersut ilisimaneqanngilaq. Ikuallattumut ornigunneq kingulleq arfininngormat pivoq, Hotel Qaqortup eqqaani meeqqat ukiukitsut ikuallatsimmata.

- Meeqqat ukiukitsut tassani ikuallatsitsipput. Ivikkat panertut akunnittarfiup eqqaaniittut ikissimavaat. Kisianni qujanartumik annerusumik pisoqanngilaq ajoqusertoqaranilu, Siivaleeraq Terkilsen Qaqortumi politiineersoq oqarpoq.

Meeqqat pineqartut angajoqqaavi aamma sociali nalunaarfigineqareerput.

Powered by Labrador CMS