Qaqortoq
Qaqortumi assinik saqqummersitsinersuaq
Qaqortumi assilisat 100-it tungaanoortut decemberip tallimaaniit januarip 21-at ilanngullugu saqqummersinneqarnissaat, Qaqortumi innuttaasut qilanaarutigisinnaavaat
Ole Poulsen, 52-inik ukiulik Qassiarsummiu, 1978-imiillu Qaqortumut nuussimasup, assilisai 100-t tungaanoortut saqqummersinneqassapput.
Tamanna Qaqortup katersugaasiviani aqagu marlunngornermiit 21. januar ilanngullugu pissaaq.
- Olep siullermik aalasulianik suliaqarluni nuannarisarisimavaa, filmilioqqaarsimallunilu1992-imi assammik arsarluni GM-ertoqarnerani. Pimoorullugu 2007-imi assiliisalerpoq, katersugaasivik tusagassiuutinut nalunaarummi paasissutissiivoq.
Assit 60-it missaaniittut siullermik saqqummersinneqassapput, sapaatip akunneri marluk qaangiuppata assit sinneri saqqummersinneqassallutik. Saniatigut aalasuliat sarsuatinneqassapput.
Assit assigiinngiiaartunik sammisaqarput: Kulturip iluani, soorlu timersornermi ullorsiornernilu, pisimasuupput.