Apersortittut
Qaqortumi apersortittut
Ullumi Qaqortumi apersortittussat 13-it provst Dorthe Petersenimit apersortinneqarput
Qaqortup Oqaluffiani - Gertrud Rasch Kirken-imi - ukioq manna aappassaa apersortittorqarpoq, ullumi 8. b-mi atuartut apersortimmata. Apersortittussat 13-it - nuannaarlutik qilanaarlutillu - nalunaaqutaq qulingiluat sioqqutilaarlugu oqaluffimmut iserput - provstimillu Dorthe Petersenimit apersortinneqarlutik.
Siullermik apersortittoqarneratut ullumi silageqaaq seqinnarilluni - assiliisorpassuaqarporlu-
Apersortittut 13-it tassaapput: Ulloriaq Inok Isaksen Jensen, Isak Aqqalu Amos Theodorsen, Kunuk Lyberth Simonsen, Aputsiaq Andersen, Frederik Malik Anders Egede, Nino Isak Jeppe, Pavia Efraimsen, Peter Malik Henningsen, Angutivik Olsen Biilmann, Nuka-Joorut Adolf Stach Broberg, Fraja Julia Fencker, Marie Eliise Apolluunia Jensine Agnethe Josenius, Pipaluk Hansiinaaraq Jakobsen aamma Tanja Arnarissoq Jakobsen.