tusarnaartitsineq
Qaqortumi Akisuanerit Festivalimit assilisat
Rikka Egede aamma Ole Kristiansen Band Qaqortup Timersortarfiani nuannisartitsipput
Akisuanerit Festival Qaqortup Timersortarfiani Nuummisut tallimanngornermi unnukkut/unnuakkut Rikka Egede aamma Ole Kristiansen Band nipilersortaralugit ingerlanneqarpoq.
Akisuanerit Festival Qaqortormiuinnaanngitsunit aammali illoqarfinnit nunaqarfinnillu qanittumiittunit ornigarneqarluarpoq. Tusarnaariat hundredet arlaqarput.
Narsameersoq maanna Nuummi najugaqartoq Rikka Egede guitarilerluni kisimiilluni aallarniivoq, erinarsugaalu ilisasrnarluartut tusarnaarianit inuttaata nunaqqataasalu nuannaarutigilluagaannik ingiorneqarlutik. Sungiusimalluakkaminiittoq oqartoqarsinnaavoq.
Ole Kristiansen Band Rikka Egede paarlallugu appisimaarpoq.
Erinarpassuit tusarnaassallugit qitissallugillu nuannarilluakkavut appisimaarneqarput. Erinnat ilaat ukiut 25-t angullugit pisoqaassuseqarput, nunatsinni guitarillammaanerpaaq Nuka Absalonsen guitarertoralugu.
Nipilersornikkut piginnaaneqarluarpoq pikkorilluinnarlunilu guitarerluni. Bassertoq Gustav Ostermann tumerparpaartorlu Julius Larsen aamma nersualaarneqartariaqarput.
Tusarnaarianut tunniussinnaasaminnik tunniussaqarput - Ole K nipilersortuilu, qujanaq!
Tusarnaartitsinermik aaqqissuisoq Kent Kielsen naapertorlugu siornatigutut tusarnaariat taama amerlatiginnginnerat pakatsinalaarpoq, Qaqortumili timersortartunut sinneqartooruteqalaarsimanissaq neriuutigineqarluni. K1933 pisumut aaqqissuisuuvoq,