Qaqortoq: Arnaq toqungasoq nassaarineqartoq - angut toqutsisutut pasineqartoq
Qaqortumi politiit arfininngornermi ullaap tungaani illumut aggersarneqarput, tassanilu arnaq 19-nik ukiulik toqungasoq nassaarineqarpoq. Suliaq maannamut toqutsisoqarsimaneranik misissuinertut ingerlanneqarpoq
Arfininngornermi ullaap tungaani nalunaaqutaq 09.55 Qaqortumi politiit pigaartuat illumut aggersarneqarpoq, tassanilu arnaq 19-inik ukiulik toqungasoq nassaarineqarpoq. Taanna kingorna toqusutut nalunaarutigineqarpoq. Politiit tusagassiuutinut nalunaarummi iliimatitsipput.
Suliaq toqutsisoqarsimaneratut misissorneqartoq
- Suliaq maannamut toqutsisoqarsimaneratut misissorneqarpoq, politiit allapput.
Sermersuumi politiit pigaartuat, Gedion Quist, Sermitsiaq.AG-mut ilisimatitsivoq, suliamut atatillugu angut 21-nik ukiulik tigusarineqarsimasoq. Taannalu toqutsisutut pasineqarpoq, aqagulu sapaatiuppat Qaqortumi eqqartuussivimmi sassartinneqassasoq.
Kalaallit Nunaanni Politiit toqusunik misissuisartumik Danmarkimit aggersaasimasut ilisimatitsissutigineqarpoq, taassuma arnap qanoq ililluni toqusimanera paasiniassavaa.