takornariaqarneq
Qaqortoq - umiarsuaq takornariartaat siulleq tikippoq
Ukioq manna umiarsuaq takornariartaat siulleq ataasinngormat kujataani illoqarfiit pingaarnersaannut tikippoq
Piinsip aappaani nalunaaqutaq 08.00 ukioq manna umiarsuaq takornariartaat siulleq Qaqortumut tikippoq.
Taanna tassaavoq Hurtigruten-ip umiarsuaa 'Fram´, illoqarfimmut tikeqqittoq. Taanna 140-nik ilaasoqarpoq.
Qaqortumi takornariaqarnermut pisortaq Pitsi Høegh malillugu ukioq manna umiarsuit amerlavallaanngitsut tikissapput, nunalinnermi akitsuutip qaffasinnerujussua pissutigalugu.
Sermitsiaq.AG-p allaaserisaatut arfininngornerup sapaatillu unnuaani qallunaat takornariat 45-t Nuummut tikipput, ukioq manna umiarsuarmut takornariartaammut illoqarfiit pingaarnersaannut tikittumut siullermut ilaallutik.
M/S ´Sea Explorer' Kangerlussuarmukarpoq ilaasunik amerlanerusunik aallerluni, ukioq manna Qeqertarsuup Tunuani takornarianik angallassinissaminut. Angalanermi Uummannaq tikinneqassaaq sila sikoqassusialu ajunngippata.