utertitseqqusineq
Qaqorteqqasut økologiskit pisiniarfimmit peerpaat
Inuussutissalerinermut Nunatsinni nakkutilliisoqarfiup qaqorteqqasut kajortut Grøn Balancemik ilisarnaatillit uterteqquai
Allaaserisaq pingasunngorneq nalunaaqutaq 11.28 nutarterneqarpoq. Titarnertaaq kingulleq maluginiaruk.
Qaqorteqqasuni kajortuni Grøn Balancemik ilisarnaatilinni uumasuaqqanik nassaartoqarpoq. Taamaammat Nunatsinni inuussutissalerinermut nakkutilliisoqarfiup nioqqutissat taakku uterteqquai.
Qaqorteqqasut kajortut Grøn Balancet pineqartut 1 kilomik oqimaassuseqartut 18. februar 2014 poortugaapput. Nioqqutit taakku oktober 2015 tikillugu asiusussaanngillat Pisiffiullu pisiniarfiini nioqqutaallutik.
- Nioqqutissani taakkunani uumasuaqqanik nassaarnerup kingorna inunnut nerisassatut naleqqukkunnaarput, inuussutissalerinermut Nunatsinni nakkutilliisoqarfik nalunaarpoq.
Inuit nioqqutissanik taakkunannga pisisimasut pisiatik igiinnarsinnaavaat imaluunniit pisiffigisaminnut utertillugit.
Pisiffik Sermitsiaq.AG-mut ilisimatitsivoq puussiat pineqartut Danmarkimi ajornartorsiutaasimagaluartut imaassinnaasoq qaqorteqqasut kajortut 1 kilot 18. februar 2014-mi poortorneqartut Pisiffiup nioqqutissaatiginngikkai.