tunisassiorneq
Qaqorsaat nunatsinneersoq pisiarineqarsinnaanngortoq
Theodora Høegh Narsameersoq kuannit qajaasallu atorlugit qaqorsaasiortarpoq
Kalaallit Nunaanni Brugseni Theodora Høeghilu, Inuit Youngimik piginnittoq, qaqorsaasiai pillugit isumaqatigiissuteqarput. Nunatta pissarititai atorlugit qaqorsaasiaapput. Assigiinngitsunik allanik akulinnik aamma qaqorsaasiortalerumaarpoq.
Inuit Young qaqorsaasiortarpoq nunatta pissarititaanik akulinnik. Qaqorsaatit kuannitallit qajaasartallillu maannakkut Brugsenip pisiniarfiini pisiarineqarsinnaangorput.
Qaqorsaatit tipigissaatitaqanngillat akuutissartaqaratillu.
- Qaqorsaasiornera ingerlalluarpoq. Qajaasat kuannillu saniatigut aamma tupaarnaq, kakillarnallu atorlugit qaqorsaasiussaanga. Qaqorsaatit qeqqussanik akullit piareernikuupput. Qeqqussat sermersuup eqqaani katersaakka.
Theodora Høegh angerlarsimaffimmini qaqorsaasiortarpoq.
- Qaqorsaatikka soqutigineqariartorput illoqarfiillu arlallit qaqorsaatikka tuniniartarpaat, Theodora Høegh oqarpoq.
Tamanut Avannaani sapaatip akunnera 6 atuarsinnaavat. Uani akeqanngitsumik aasinnaavat