misiliguk
Qanoq eskimuujutigaat?
Nuannariinnarlugu nutaamik misilitsissavatsigit qanoq akusaatiginnginnersutit
Kalaalivik qanoq ittuuva, DNA-mut, eqqarsartariaatsimut inooriaatsimulluunniit attuumassuteqarpa?
Akilitsinni Canadami apeqqutit taakkua pimoorunneqalaakulasarput apeqqutillu aamma ulluinnarni malugineqarlutillu politikkimut akuupput. Maanna Canadami nittartakkami tamanna quiasaarutigaa. Sitemi Asukuluk, kikkuunerminnik saqqummiussinngitsut, qanoq inuppiaatiginermik misiligummik sanasimapput.
Inuppiaanermut misiliut atortuuvoq qanoq akusaatiginnginnermut takussutissatut. Apeqquterpaaluit tuluttut akinemqassapput, naggataatigullu inernera pineqartassaaq.
Inuit assigiinngillat
Misiliut tamanut illalaarusuttunut inassutigineqarsinnaavoq. Oqaasertaalu ima aallartipput:
– Nalinginnaasumik isumaqartoqarpoq inuit inuarannguusut, taartumik amillit, namminnerisaminnik oqaasillit ooqanngitsunillu nerisartut. Aammami taamaattunik inoqarpoq, aammattaarli inoqarpoq timimikkut allaanerusumik sannalinnik, assigiinngitsunik nerisalinnik aammalu inuit oqaaserinngisaannik oqaasilinnik.