unnerluussineq

Qamuteralattartoq arlariinnik unnerluutigineqarsinnasoq

Uummannap nunaqarfiini Nuugaatsiap Illorsuillu akornanni qamuteralannik uninngasunik apuisimasoq unnerluutigineqarpoq.

Ajutoorneq februarimi pivoq, tassanilu angutit inuusuttut marluk aqqunartitserujussuarsimallutik. Aqqunartup aappaa Københavnimut suliaritikkiartortariaqarsimavoq, aappaalu niumigut napisimanini pissutigalugu Dr. Ingridip Napparsimavissuanut Nuummut suliaritikkiartortariaqarsimalluni.

Atuaruk: Qamuteralak inunnut arlalinnut apuisoq: Ataaseq ajoqusingaatsiarsimavoq

- Angut angallannermut inatsimmik arlaleriarluni unioqqutitsisimasutut unnerluutigaarput, paasiniaanerpulli suli ingerlapparput, taamaammat unnerluussutaasut soorpiaanersut oqaatigisinnaanngilara, Ilulissat politiivineersoq Sebastian Bech KNR-imut oqarpoq.

Suli uninngasut

Ajutoornermi aqqunarsimasup aappaa suli peqqissaavimmi uninngasoq, KNR nittartakkamini paasissutissiivoq.

Powered by Labrador CMS