akitsuutit
Qamuteralannut akitsuutit nutaat
Qamuteralaat sanaartugassanillu suliassinneqarsimasut qamutit atortagaat qanoq oqimaatsiginersut apeqqutaallutik akitsuuserneqartalernissaat siunersuutigineqarpoq
900 koruunit qamuteralannut kiisalu sanaartugassanik suliassinneqarsimasut qamutit atortagaat 2.000 kiilu qaangersipappassuk 19.876 koruunit.
Naalakkersuisut qamuteraluaanut akitsuusiisarnissaq pillugu siunersuuteqarput, Inatsisartut upernaanerani ataatsimiinneranni saqqummiunneqassapput. Naalakkersuisut siulittaasuannit Aleqa Hammondimit marlungornermi tusagassiortunik katersortitsinermini saqqummiussivoq.
Naalakkersuisut isumaqarput, naligiinnerusumik akitsuusiisalertoqassasoq. Qamutit atorneqartut tamaasa nalunaarsorneqartassapput tamarmillu akitsuutitaqassallutik.
- Inunnit apeqquserneqartarpoq sooq qamutit oqimaannerusut aqqunernginik aserorterigaluartut akitsuuserneqarneq ajornersut. Aleqa Hammond oqarpoq.
Naalakkersuisut siunersuutaat Inatsisartut upernaanerani ataatsimiippata aningaasaqarnermut nunamullu namminermut naalakkersuisup Vittus Qujaukitsup saqqummiutissavaa.