Qamuteralannik ajutoortoq toquvoq

Kangerluarsuk tullermi Sisimiut avannaatungaaniittumi ajutoorneq pivoq.

Qeqqani politiit ippassaq nalunaaqutaq marluk qaangerlugu tanneq pingasut qamuteralaat aqqutaani ajutoortoqarsimasoq nalunaarfigineqarput.

Angut 18-nik ukiulik ajutoorluni ajoquserujussuarsimavoq.

Kinguninngua Sisimiut peqqisaaviliaanneqarpoq uummarsarneqarlunilu. Inuuneralu annaanneqarsinnaasimanngimmat ajoquserneminik toqusoq nalunaarutigineqarluni.

Politiit pisoq misissuiffigereerlugu ajutoortoqarsimaneranik takussutissaqarnerarpaat.

Toqusup ilaqutai kalerrinneqareerput.