Qallunaatsiaat
Qallunaatsiaat nunaataat ilisimaneqanngitsoq Tasermiuni nassaarineqartoq
Spaniamiut La Búsquedamik tv-kkut aallakaatitassiortut nassaarineqartoq nalunaarutigaat
Qallunaatsiaat Kalaallit Nunaanniinnerat paasineqanngitsorpassuarnik ilaqarpoq Tasermiunili nunaateqarfikuannik nassaarnikkut Erik Aappalaartup kinguaavisalu oqaluttuassartaat paasinarsikannerpoq.
Sermitsiaq aviisi allappoq.
Narsarsuup katersugaasiviata aqutsisuata Ole Guldagerip nunaateqarfik Tasermiuni Tasersuup eqqaaniittoq nassaaraa.
– Filmiliortunut ilaallunga tamaaniippunga, Ole Guldager Sermitsiamut oqaluttuarpoq.
Spaniamiut lmiliortut 93matros nangeqattaartup La Búsqueda-p (Ujaasineq) immikkoortuisa ilassaannik immiussiartorlutik qaammatini marlussunni Kalaallit Nunaanniipput, nangeqattaartoq Spaniami Amerikamilu kujallermilu aallakaatinneqartarpoq. Spaniamiut Qaanaami, Sermersuarmi kingullermillu Kujataani immiussipput.
– Immiussinerisa nalaanni illukut nassaarivagut, Ole Guldager oqaluttuarpoq.
Nunaatip illutaa nersutaasivillu
Tamaani orpigarpassuarnik avaalaqiiakuluunillu naasoqarsimaqimmat illukut nassaariuminaassimaqaat.
Qallunaatsiaat nunaateqarfikuat tasersuup avannaatungaaniippoq tatsip tungaanut sivinganermiilluni. Illukut ataatungaanni ivinnik naatitsiveqarpoq kusanartumik orpikkanilli naajorarfigineqarsimasumik.
Qallunaatsiaat nunaateqar at Nunatta Katersugaasivianit Allagaateqarfianillu ilisimaneqanngilaq Ole Guldagerillu nassaani nalunaarutigigamiuk oqaluttuaralugulu illutaata ilusaa titartarsimavaa.
Nassaarneq pillugu allaaserisaq Sermitsiami tamakkerlugu atuaruk, taanna uani pisiarisinnaavat: