Oqaluttuarisaaneq

Qallunaat peqataanissaat Sarap Dorisillu ujartorpaat

Qallunaat Nunatsinnik nunasiaqarnerata nalaa ulluni makkunani Kalaallit Nunaata misissoqqissaarlugu aallartinnialerpaa

Saammaateqatigiinnissamut kommissioni kalaallit folketingimut ilaasortaatitaannit sakkortuumik isornartorsiorneqarpoq, pissutigalugu kommissionimi qallunaanik ilaasortaqanngimmat.
– Ilami ukiuni 300-ni ataatsimut oqaluttuassartaqarpugut, Danmarkimi ´naalakkersuisuusimalluni´ Kalaallillu Nunaat ´naalagarsiortitaasimalluni´, tamatumuunakkullu saammaateqatigiinnissaq aamma pisariaqarpoq, Sara Olsvig, Inuit Ataqatigiinneersoq oqarpoq.
Naalakkersuisut aasaq nalunaaruteqarput tamatumunnga kommissioniliussamaarlutik. Danmarkimiilli peqataasoqarnissaanik isummertoqanngitsorluunniit ministeriuneq Helle Thorning-Schmidt nalunaaruteqarpoq ´saammaateqatigiinnissaq´ Danmarkip pisariaqartinngikkaa.
Isuma tamanna Doris Jakobsenip, Siumut tunuliaqutaralugu folketingimut ilaasortap, uggornartippaa. Taassuma arlaleriarluni Folketingip oqaluttuarfianit qallunaat peqataanissaat apeqqutigisarsimagaluarpaa, taamatut allappoq Jyllands-Posten.

Powered by Labrador CMS