20. 01. 2017
  • Dansk
  • Kalaallisut
Wednesday, January 11, 2017 - 11:00

Qallunaat naalakkersuisui 'kalaallimik pisisut'

Assi.: Leiff Josefsen
Danskit akileraartarnermut ministeriata Karsten Lauritzenip maanna Dagbladet Holstebro/Struerimi, Nunarput pillugu ataatsimiititaliami siulittaasuuffik Aleqamut tunniunneratigut naalakkersuisut siammasinnerusumik amerlanerussuteqarnermik pisisimasut ammasumik oqaluuseraa

Oqaasertaliorneq piffissamut ajornerusumut eqqaamasanik sarsuatitsingajapporluunniit. Folketingimi politikkikkut piviusoq minnerunngitsumik ersersinneqarmat.

Siulittaasuuffimmik amerlanerussuteqarnermik pisisut
Qallunaat akileraartarnermut ministeriata Karsten Lauritzenip (V) danskit naalakkersuisuisa 90-inik ilaasortaatitaqarlutik amerlanerussuteqalaarnerat, Folketingimut ilaasortap ataasiinnaap partiimit nikinnerani ajornartorsiorsinnaaneranik kinguneqarsinnaasoq pillugu, Dagbladet Holstebro/Struerimut ammasumik oqaluuseraa.

Atuaruk: Aleqa Hammond er ny formand for Grønlandsudvalget

- Kisianni kalaallimik pisinitsigut taasinerit 91-t qulakkeerpagut, taanna Dagbladet Holstebro/Struerimut oqarpoq.

Danskit naalakkersuisuisa juulli sioqqullugu Aleqa Hammondimik parteeqanngitsumik, isumaqatigiissuteqarnerminnut tunngatillugu taamaalilluni oqarpoq.

Nunarput pillugu ataatsimiititaliami siulittaasunngornera isumaqatigiissuteqarnerup kinguneraa.

Atuaruk: Socialdemokraatit: Aleqa imminut tuniniarpoq

Illuanik apeqqutini naalakkersuisunik uppititsisinnaasuni itigartitsiniarani neriorsuuteqarpoq.

Atuaruk: Socialdemokraatit isornartorsiuinerat Aleqap akerlilerpaa

Allat annerusumik neqeruussanngitsut neriuutigigaa
Tamatumali saniatigut taamatut isumaqatigiissuteqarneq navianartortaqarsinnaasoq, Karsten Lauritzenip (V) nalilerpaa, pisiarineqareersimagaanni pisiarineqaqqittoqarsinnaasoq isumaqarami.

- Neriuutigiinnartariaqarparput allat annerusumik piffissami allami neqerooruteqassanngitsut, taanna aviisimut oqarpoq.

Aleqa Hammondip ataatsimiititaliami siulittaasunngorniarluni siornatigut imminut tuniniarsimanani oqaatigereerpaa.

Taassuma siornatigut parteeqatigisimasaata, Siumumi siulittaasup Kim Kielsenip, isumaqatigiissut naammagisimaarulugu oqaatigereerpaa.

- Aleqa Hammond Kalaallit Nunaat pillugu ataatsimiititaliami siulittaasunngornera tulluarluinnarpoq, partiip siulittaasua, Kim Kielsen, juullinngitsoq tusagassiortunik katersortitsigami oqarpoq.

Seneste nyheder