Ilinniarneq

Qallunaat ministeriat alla aamma Nunatsinnut tikeraartoq

Qallunaat ilinniartitaanermut ministeriat Ellen Trane Nørby (V) Nuummut Sisimiunullu ulluni makkunani tikeraarpoq

Qallunaat ilinniartitaanermut ministeriata Ellen Trane Nørbyp (V) Nuuk aamma Sisimiut tikeraassavai

Illersornissamut ministeri Peter Christensen (V) ulluni makkuani Nunatsinniippoq, taanna ataasinngormat Nuummi katersortarfimmi tusagassiortunut katersortitsivoq.

Taanna qallunaat ministeriini kisimi Nunatsinniinngilaq. Tassami meeqqanut, ilinniartitaanermut naligiissitaanermullu ministeri, Ellen Trane Nørby (V) aamma tikeraarpoq.

Taassuma atuarfiit arlallit Nuummi Sisimiunilu takusassavai, kalaallillu ilinniartitaanermut aaqqissuussaanerannik ilikkagaqarnerunissani kissaatigaa.

Tusarnaaruk: Illersornissamut ministeri apeqqutinik akiuivoq

Misilittakkanik avitseqatigiinneq
Ullumi marlunngornermi meeqqat atuarfiat Atuarfik Samuel Kleinschmidt (ASK) Nuummiittoq pulaassavaa, tassani aqutsisut ilinniartitsisullu qanoq suleqatigiillutik atuarfiup pitsaassusaa kivinniarlugu qanoq iliornersut paasisaqarfiginissaanut periarfissaqassaaq, aamma atuarfiup maanna unammilligassai tusassavai.

- Kalaallit Nunaat Danmark assigalugu meeqqat atuarfianut aamma ilinniarnertuunngorniarfinnut aaqqissuusseqqinnernik pilersitsinikuuvoq, taakku ilinniartitaanermik nukittorsaasussaapput, tassanilu naalagaaffeqatigiinnermi misilittakkanik avitseqatigiissinnaavugut, tusagassiuutinut nalunaarummi oqarpoq.

Sisimiunut aamma tikeraassasoq
Qallunaat ministeriata aamma Tech College Greenland Sisimiuniittoq pingasunngorpat pulaarniarpaa, inuussutissarsiornermut ilinniakkat, aamma DTU-mik suleqateqarluni issittumi ingeniøritut ilinniarfik aamma ilinniarnertuunngorniarfiit GUX tassaniipput.

Taassuma kingorna tikeraarnini naggaserlugu Sisimiuni meeqqat atuarfiata aappaa, Minngortunnguup Atuarfia pulaassavaa.

Ventremi politikerip aasaanerani angalanermini ilinniartitaanermut naalakkersuisoq Nivi Olsen (D) angalaqatigaa.

Atuaruk: Inuusuttut amerlanerusut ilinniarsimanatillu suliffeqanngillat

Powered by Labrador CMS